Poslovne vesti - Makedonija

Над 100 млн. евра заштеди КБ Прво пензиско друштво

КБ Прво пензиско друштво оствари заштеди од над 100 милиони евра. Во текот на петтгодишното работење во КБ Прв отворен задолжителен пензиски фонд се вклучени повеќе од 136.000 члена и привремено распределени лица, чии средства заедно со остварениот принос од инвестиции придонеле за остварување на овој износ на пензиски заштеди што ќе можат да ги користат членовите во иднина.

„Реформата на пензискиот систем, поддржана од сите политички субјекти, претставува сериозна и сложена активност, но и континуиран процес на подобрување на системот и треба да придонесе за доброто на сите граѓани“, велат од КБ Прво пензиско друштво.

Заклучно со септември, во задолжителните пензиски фондови членуваат 258.027 члена. Од нив 136.377 членуваат во задолжителниот фонд, а во доброволните пензиски фондови се вкупно 4.758 лица.